سئوگي سيز ياشاماق اولارمي؟
سئوگي سيز نفس چكمك اولارمي؟
سئوگي سيز گئجه ني ، گوندوز و گوندوزو گئجه ائتمك اولارمي؟
مه يه اولار سئوگي سيز پاييزي قيش ، قيشي ياز ، يازي ياي و يايي پاييز ائده سن؟
اصلا مه يه اينسان سئوگي سيز ياشايا بيلرمي؟
سئوگي نه دئمك دير؟
دئييرلراولو تانري دونياني و اؤزلليك له اينساني ياراتماميشدان اؤنجه سئوگي ني ياراديبدير.
بئله ليك له سئوگي ايلاهي ياراديجيليق و ازلي و ابدي دير.
سئوگي تانريدان اؤزل بير پاي دير تام ياراديجيلاقلارا و بام باشقا اينسانا.
منجه سئوگي دير آل قاني دامارلاردا گزديدير.
سئوگي دير اينساني ديرچلدير روح باغيشلايير ياشام وئرير و حركته سالير.
سئوگي دير اوره يي چيرپينديرير ، سئوينج وئرير ، اينساني گله جه يه موتلو ائديب اينانديرير.
سئوگي توكنمز پاي دير .
اؤلوم سوز ياراديجي دير.
چونكو ايه ر اينسان اؤلورسه ده آمما سئوگي قالارگي دير .
ابدي قالارگي. سئوگي ياشايئشين سيرري دير .
دييه رلر سئوگي سيز اينسان كؤكسوز آغاجا بيتگي يه و تمل سيز بينايا بنزر.
سئوگي اولماسا كيچيك بير سازاخ اثرينده نه آغاج نه بيتگي و نه بينا اياق اوسته قالانماز.
سئوگي سيز اينسان سو اوزه رينده جانسيز باليغا بنزر .
سؤزسوز كي سئوگي يه باغلي اولان ياشاميني ديه رلنديرير .
سئوگي يه اينانان ياشاما اينانيبدبر دئمك.
سئوگی بیر زامان وطن اولور بیرزامان آنا یورد بیرزامان حیات یولداشی .
بیر زامان یولداش بیر زامان اولو تانری بیر زامان آدای و بیر زامان قلم اولور
و بیر زامان دا اوزل بیر دوست ، بیر یولداش .
سئوگي يه باغلي اولان ديرچه ليشه باغلي دير
و ان دوغروسو يئر –گؤيو و كائيناتي يارادان تانري يا باغلي دير . سئوگی نه اولورسا اولسون آنجاق :
سئوگیلی لرگونو
گرچک سئوگیلی لره
قوتلو اولسون .