عفو ائيله مني
ای منیم کؤنلومده مأواسي اولان سئوگيم جانيم
اي كي هر گوندوز گئجه م سندن آلير ايلهام جانيم
ائيله عفو گر گؤيلونو ائتسم پريشان و نذار
گؤزلريم آغلار قاليب عشقينده پوزقوندور جانيم
ايسته مم بير آن غم ايلشسين او تابان چؤهره ين
چؤهره نين قوربانيدي هر لحظه جيسميم هم جانيم
اينتظارين باغريمي قان ائيله يير هر صوبح و شام
گؤزلرزيم گؤزلر يولون اي گؤزلره قوربان جانيم
ذره ذره شمع تك هم آغلاييب هم يانميشام
چكميشم بير چوخ عذاب و عزلتي سنسيز جانيم!
خسته دير جيسميم ، پريشاندير حاليم ، سولغون جانيم
ايسته ييم سندن بودور عفو ائيله يانديرما جانيم