نيگاريم سان سن
سن حياتيم بوجاغيندا ياشايان گولسن سن
غونچه لي گوللوچيچك لي سولو يازيمسان سن
سوايچره آي ايشيغي نور كيمي پارلاق لی اولان
بيرگونش تك اوره يه ايستي وئرن جان سان سن
آل ياناق ،قونچه آغيز،قيرميزي لب لر اوزو ناز
خاليقيم يئر اوزه رينده يارادان آی سن سن
گؤزلرين سِحر كيمي گؤزدن آلير تام ايشيغين
حاضيرام اؤلمه غه چون تير وكمانيم سان سن
او قدر گؤزله ميشم تا كي گؤرم رخسارين
وجودومدا دولان قيرميزي قانيم سان سن
باخيشين تيرِ كمان تك يارالار پارچالايار
كؤنلومو قان ايله غلتان ائله ين اوخ سان سن
يئريشين هم گولوشون هم ياراشيقلي وجودون
باغ جنت ده گزن حور و نيگاريمسان سن
غمزه لي نازلي ويقارلي اوره يي پاك و تميز
بير ملك سن گؤزليم شانلي ماراليم سان سن
سئوگيسيز هئچ ياشايار كؤنلو محبت له دولان ؟
بو پريشان حاليمين درماني جانيمسان سن
موتلويام عشقه اينانديم سنه مجنون اولدوم
اوره ييمده ياشايان بولبول شيدام سان سن
۱۳۹۲/۰۲/۳۰