گؤزليم
سني گؤردوم باهارين ايلك آييندا گؤزليم عاشيق اولدوم سنه من حيرانين اولدوم گؤزليم
ياشايئش معني سيني سنده گؤروب ديرچه لديم قيشيمي يازائله دين سئوگي قازانديم گؤزليم
مشك عنبرلي ايين مست ائله دي تام وجودو كؤنلومدهوش ائله دي روحومو حيران گؤزليم
ائله عشق آتشي سالدين جانيمي يانديردين اوره ييم شوقه گليب پر- بوداق آچدي گؤزليم
نازغمزه يئريشين گؤزلري بيمار ائله دي گولر اوزلو باخيشين ائتدي مني شاد گؤزليم
وادي عشقيده ليلا كيمي مجنون ائله دين مني ديوانه ائديب چؤللره سالدين گؤزليم
جانيمين ارزشي يوخدورسنه قورباندي گولوم شمعين عشقينده يانان بير كپنك تك گؤزليم
واله ائتدين مني او نقشي - نيگارلي وجودا كؤنلوموعشق ايله سرشار ائله دين سن گؤزليم
اي كه سيماي وجودون مني سرمست ائله ييب بير جانيم سهليدي يوز جان سنه قوربان گؤزليم
نه قدر واردي نفس عشقه واريمدير هوسيم موتلويام شعله عشقينده يانار جان گؤزليم
11/03/1392