سن سيز
مندن آيريلما آماندي دؤزه بيلمم سن سيز
ياشاماقليق هئچه بنزر گر اولام من سن سيز
چوخ دؤزوم سوزلو اولار هيجرانين آهنگي منه
دونيا زيندانيم اولار گر ياشايام من سن سيز
سن گئدنده اوزولور قلبيمه آتش وورولور
نفسيم بند اولونور باغريم اولور قان سن سيز
بير اوشاق كي آناسيندان اوزولنده باغيرار
سن ده مندن اوزاق اولدوقجا يانار جان سن سيز
سن منيم عؤمرومون الوان گئجه سي گوندوزوسن
فراغيندا گئجه ني صبح ائده مم من سن سيز
باهارين عاشيقي بولبول هاواسي شنلي اولار
باهاريم پاييزا بنزر گر اولام من سن سيز
سئوگي سيز كيم ياشايار اورداكي وار يار نيشاني ؟
سئوگي يين وورغونويام هئچ دؤزه بيلمم سن سيز
آيريليق آتشي يانديردي تامام قول قانادي
حسرتيندن آليشيب اودلانارام من سن سيز
ائله سيماي وجودون مني سرمست ائله ييب
دونيانين هر يئري زيندانيم اولار يار سن سيز
موتلويام سئوگي باغين خسته اولان بولبولو يم
اولماسا سئوگي اوره ک ده باغا گيرمم سن سيز
۱۳۹۲/۰۳/۰۳