یارین فراغی
بوگون ياري گؤرمه ميشم دونيا منه تامام گلير
صؤحبه تيني دويماميشام ياشام منه يامان گلير
حسرت ايله گؤزله ميشم بو گون گئده سحر گه له
يارين فراغي اؤلدورور زامان منه فغان گلير
حزين حزين سيزلاييرام گؤزوم دولوب دولوخسانير
بو خسته جانيمي بوتون كدر آليب گومان گلير
ياريم گئديب اوزاقلاشيب كؤنول يئنه سوراغلاشير
قفس ايچينده قوش كيمي چمن منه دومان گلير
سنين اوزون گونش كيمي باغيشلايير ايشيق منه
سن اولماياندا هر گونوم قارانليغا اوجاه گلير
ياز اولماياندا گؤي چمن قورور سولور باتير گئدير
اگرچه يام ياشيل دي چؤل باهار منه خزان گلير
يارين سسي گلن زامان اوميد وئرير ياشامليغا
ائشيدمه يه نده يار سسين تارين سسي كامان گلير
يئل اسدي موشتولوق وئرير يارين گليب يئتيرمه سين
يارين سوراغي اولماسا سازاخ منه طوفان گلير
آماندي باغريم اود توتوب يانير ، دي گه ل هايانداسان
يانيمدا اولمايان زامان عؤمور منه يالان گلير
بو خسته جانيمي گؤتور آپار يارين جوارينا
ايلاهي آل بو جانيمي جاهان منه دالان گلير
۱۳۹۲/۰۳/۰۱