سن سيز له ميشم
نئچه گوندور گؤزليم من ائله سن سيز له ميشم
بير اوشاق تك آناسين گؤرمه يه سن سيز له ميشم
ائله اود ووردو بو قان باغريما هيجران الووون
سو تكين آتشي سؤندورمه يه سن سيز له ميشم
سئوگي دير كؤنلومو پروانه كيمي يانديران اود
وورغونام شمع وجوده نئجه سن سيز له ميشم
عشقه بيگانه اولان هاردا بيلر سئوگي ندير
من شيرين عشقينه فرهاد كيمي سن سيز له ميشم
كوي عشقينده گزركن تاپارام سيمايين
بير بوداق كؤلگه سي تك من سنه سن سيز له ميشم
گول عوذارين ائله مجنون ائله دي سالدي چؤله
لیلي سن سن دلي من باخ نئجه سن سيز له ميشم
سن اوزاق دوشمه آماندي دؤزه بيلمم فراغا
تونگ ده كؤرپه باليخ تك سويا سن سيز له ميشم
پاييز اولدو ساراليب سولدو بوتون دشت و دمن
گول كيمي بولبوله خاطير نئجه سن سيز له ميشم
گئجه گوندوز دؤزرم تا كي گؤرم مه جمالين
سني اولدوز ساياراق آي كيمي سن سيز له ميشم
موتلويام واردي بو دونيادا فقط تكجه جانيم
قوربانين اولماغا باخ گؤر نئجه سن سيز له ميشم
28/2/1392