هاردا قالیبسان ؟
هیجران اودو یاندیردی منی هاردا قالیبسان ؟
عشقین کؤزو کؤورتدی منی هاردا قالیبسان ؟
دونیا بویو وار دیر سنه سئوگی له سلامیم
عشقیم سنه سونسوزدو گولوم هاردا قالیبسان؟
آیلاردی گؤزومدن آرالی تکجه گزیرسن
هجران یاشی کور ائتدی گؤزو هاردا قالیبسان ؟
سینم آجئشیر قلبیم آتیر گؤزلریم آغریر
ای گؤزلریمین گیله سی گل هاردا قالیبسان ؟
باغریم سن اوچون اسمه ده دیر بیرجه دایانمیر
کؤنلوم قان اولوب بیریان اولوب هاردا قالیبسان ؟
قلبیم اوزولور قوش کیمی بیر اووچو الینده
سئوگین اوخو اولدوردو منی هاردا قالیبسان ؟
عشقین من اوچون دونیادا قیمت لی صدف دیر
شیرین – شکریم نازلی یاریم هاردا قالیبسان ؟
هر لحظه لریم آخ – وای اولوب هیجران الیندن
آخ – وای منی سارسیتدی گولوم هاردا قالیبسان ؟
لیلی کیمی مجنون ائله دین بو دلی کؤنلو
بس دیر گؤزلیم هیجری قوتار هاردا قالیبسان ؟
کؤنلوم دولودور عشقینه ای سئوگیلی جانان
سیماسی گؤزل قلبی گؤزل هاردا قالیبسان؟
عؤمروم آزالیر شؤعله سی هر آن سؤنه جک دیر
بیر دفعه گؤروش ای گونشیم هاردا قالیبسان ؟
هیجران اودو یاندیردی منی هاردا قالیبسان ؟
عشقین کؤزو کؤورتدی منی هاردا قالیبسان ؟
دونیا بویو وار دیر سنه سئوگی له سلامیم
عشقیم سنه سونسوزدو گولوم هاردا قالیبسان؟
آیلاردی گؤزومدن آرالی تکجه گزیرسن
هجران یاشی کور ائتدی گؤزو هاردا قالیبسان ؟
سینم آجئشیر قلبیم آتیر گؤزلریم آغریر
ای گؤزلریمین گیله سی گل هاردا قالیبسان ؟
باغریم سن اوچون اسمه ده دیر بیرجه دایانمیر
کؤنلوم قان اولوب بیریان اولوب هاردا قالیبسان ؟
قلبیم اوزولور قوش کیمی بیر اووچو الینده
سئوگین اوخو اولدوردو منی هاردا قالیبسان ؟
عشقین من اوچون دونیادا قیمت لی صدف دیر
شیرین – شکریم نازلی یاریم هاردا قالیبسان ؟
هر لحظه لریم آخ – وای اولوب هیجران الیندن
آخ – وای منی سارسیتدی گولوم هاردا قالیبسان ؟
لیلی کیمی مجنون ائله دین بو دلی کؤنلو
بس دیر گؤزلیم هیجری قوتار هاردا قالیبسان ؟
کؤنلوم دولودور عشقینه ای سئوگیلی جانان
سیماسی گؤزل قلبی گؤزل هاردا قالیبسان؟
عؤمروم آزالیر شؤعله سی هر آن سؤنه جک دیر
بیر دفعه گؤروش ای گونشیم هاردا قالیبسان ؟