جاويد قالاجاق دير
اود سؤنسه ده آتش يئري جاويد قالاجاق دير
سئوگي گونشي داغ لي اورك ده ياناجاق دير
سانما كي گولوم گر آتاسان عشقي قافان دان
عشقين ايزي دائيم بو كؤنول ده قالاجاق دير
عاشيق نه قدر معشوقه دن اوزگون اولورسا
عشق شعله سي سؤنمز يئنه يانقين قالاجاق دير
عشقين بوداغي ريشه ساليب سا بو كؤنول ده
باغريم سن اوچون سئوگيلي چيلغين قالاجاق دير
سيلسن آديمي يا آتاسان خاطيري ياددان
سن نازلي يارين عشقي قالارگي قالاجاق دير
هيجران اودو گر يانديرا بو جانيمي هر دم
اؤلسم ده داغيلسام دا تؤكنمز قالاجاق دير
بيتمز بو درين سئوگي كي واردير سنه ياريم
گؤزلر سني گؤرمك اوچون آغلار قالاجاق دير
عشقين او قدر ارزيشي واردير بو جانيم دا
عشقيم سن اوچون سئوگيلي جانان قالاجاق دير
23/6/1392