... چوخالير
هرگون آخشام سن اوچون عشق و ماراغيم چوخالير
سني گؤرمك اوزه ره ميل و قراريم چوخالير
گئجه گوندوز گؤزليم سئوگي اورك دن داشاراق
حسرتيندن بو سئنيق قلبيده نيسگيل چوخالير
سئوگي بير كؤز اولاراق اود وورور هر دم كؤنوله
لحظه لحظه آليشير شعله عشقين چوخالير
عشقيمين نغمه سي سن منده سنين نغمه خوانين
اوخودوقجا اورگيمده سنه سئوگيم چوخالير
سن اؤزون سئوگي باغي من بو باغين باغباني
بولبولم سن ده چيچك قونماغا گؤيلوم چوخالير
طاقتيم يوخ دؤزوموم يوخ بو قدر فورقتينه
فورقتين كؤنلو پريشان ائدرك غم چوخالير
دونيانين عادتي دير فاصيله سالسين كؤنوله
ايللر آيلار كئچرك فاصيله سندن چوخالير
كپنك تك قاناديم يانسادا شمعين اودونا
سنين عشقينده گولوم سيزقي يانيقلار چوخالير
اوزاق اولساندا كؤنولده آليشير سئوگي كؤزون
موتلويام درديم آشير سندن اؤتور غم چوخالير
9/9/1393