قالاجاق دير
اود سؤنسه ده آتش ايزي جاويد قالاجاق دير
عشقين بو كؤنول ده يئري دائيم قالاجاق دير
سانما كي گولوم گر آتاسان عشقي قافان دان
سئوگي گونشي داغ لي اورك ده ياناجاق دير
عاشيق نه قدر معشوقه دن اوزگون اولورسا
عشق شعله سي سؤنمز يئنه يانقين قالاجاق دير
عشقين بوداغي ريشه ساليب سا بو كؤنول ده
باغريم سن اوچون سئوگيلي چيلغين قالاجاق دير
سيلسن آديمي يا آتاسان خاطيري ياددان
سن نازلي يارين عشقي قالارگي قالاجاق دير
هيجران اودو گر يانديرا بو جانيمي هر دم
اؤلسم ده داغيلسام دا تؤكنمز قالاجاق دير
بيتمز بو درين سئوگي کی واردير سنه ياريم
گؤزلر سني گؤرمك اوچون آغلار قالاجاق دير
عشقين او قدر ارزيشي واردير بو جانيم دا
عشقيم سن اوچون سئوگيلي جانان قالاجاق دير
23/6/1392