صورتين آي ايشيغي تك مني حيران ائله دي غمزه لي سروي بويون كؤنلوموويران ائله دي
دوداغين لعل شراب تك ائله مست ائيله دي كي نه دئييم دادلي طاميندان جاني حيران ائله دي
ائتدي عاشيق اؤزونه عشقينه سرمست مني او خومار گؤزلر ايله درديمه درمان ائله دي
دوشموشم يانديريجي عشق اودونا چاره م يوخ شعله عشقينه باخ كؤنلومو بريان ائله دي
آليشيب آتش عشقين له تمام وجودوم ائله اود ووردو منه قانيما غلتان ائله دي
يانيرام عشق اودونا تانري بيلير بيرده كي سن درد هجرين كؤنولو چؤللره ويلان ائله دي
اي منيم سئوگيلي ايستك لي سمامين گونشي حسرتين جيسمي داغيتدي جاني بيجان ائله دي
دؤزوموم يوخ بو قدر هجرينه بيمار اولام فراغين باغريمي قان گؤزلري گريان ائله دي
يالنيزام تك ياشارام دونيا دا يالقيزلاميشام درد هجرين جاني غملي روحو عصيان ائله دي
صاديقم عشق يولوندا ائدرم جاني فدا نئجه كي خسته كؤنول عشق له پيمان ائله دي
آند اولا حؤرمت عشقه اونودانمام سني هئچ چونكو عشقين ابدي كؤنلومو حيران ائله دي
۱۳۹۲/۰۶/۰۱