تیرآیی نین ۱۴-جو گونو قلم گونوتام یازارلارا قوتلواولسون
قلم
تانرینین ایلقاری اولوبدور قلم
سئوگی سی سایقی سی اولوبدور قلم
ازلدن بری اینسانی آنلادان
یاخشی یول گؤسترن اولوبدور قلم
سیتمکار ائوین تیتره دیب – یئخان
ظالیمی سیندیران اولوبدور قلم
بیلیم باخجاسیندا بیلگی بسلی ین
بیلمه یی بارلادان اولوبدور قلم
جهالت کؤکون جهلین ریشه سین
یئریندن قالدیران اولوبدور قلم
ادب وادیسینده ادیب بسله دن
شؤهره ته چاتدیران اولوبدور قلم
موغنّی توره دن شاعیر بئجه رن
عالیملر یارادان اولوبدور قلم
ائلی بسله دن دیلی سسله دن
کؤنول وصل ائدن اولوبدور قلم
شمشیردن ایتی بیچاقدان کسگین
سیلاحدان اودجیل اولوبدور فلم
دایاقدیر دیله سایاقدیر ائله
یازار یولداشی اولوبدور قلم
موتلویام دونیادا جانلی یولداشیم
منه گوج وئرن اولوبدور قلم