منه گلسين
اي نازلي نيگاريم یاشايئشدا كدرين وار منه گلسين
سن شاد و خورامان ياشا هر غوصه – غمين وار منه گلسين
دؤزمم او گؤزل چؤهره بويانسين غم و درده
كؤنلونده ايه ر ذره جه دردين ده اولورسا منه گلسين
او حور و پري يه ياراشارمي غمه باتسين ؟
اي جيسميده قانيم سنه گر آغري گليرسه منه گلسين
تانريم او قدرسن گؤزلين جيسميني نقاشي ائديبدير
دائيم قالاسان گنج بوتون خسته نوخوشلوق منه گلسين
سيماي وجودون او قدر شاد و گؤزل دير
راضي اولا بيلمم غم و ماتم سنه گلسين منه گلسين
عشقين له منيم كؤنلومو گر آتشه چكسن
نوشدور منه اوزمم سني گر آغريدا گلسه منه گلسين
جنت قوشو يا شاه پري سن منيم عشقيم
دونياي مكافاتدا دا گر اولسا گوناهين منه گلسين
سن نور اوميدسن ياناران شعله شمع تك
شعله ن ده اولان يانديريجي عشق حرارت منه گلسين
موتلو ! گؤره بيلمم كدري يارين اوزونده
يارين اوزو دائيم گولر اولسون كدري وار سنه گلسين
09/04/1392