عشقسيما سي
عشق آتشينه دوشمه ين افسانه اولانماز
شمع عشقينه گر يانمايا پروانه اولانماز
گول سئوگي دي بولبول دولانار قونچه به قونچه
هر ميكده كي ساقيِ ميخانه اولانماز
عشقين اوقدر محنتي واردير سايا گلمز
گر اولمايا مجنون دلي ديوانه اولانماز
سيماي وجودون ائله مدهوش ائديبدير
بارداق دولوسو مئی ایچه مستانه اولانماز
عشق آتشي اودلار جييه ري لحظه به لحظه
کیم عشق اودونا دوشمه سه ديوانه اولانماز
يوخدور اثري سئوگي ده عؤمرون چوخو - آزي
تانري يارادان سئوگي كي افسانه اولانماز
عشقين يئري تكجه اوره يين گوشه سي دير سه
هرگوشه لي يئر سئوگي يه كاشانه اولانماز
گر عشق يولوندا جانيني قوربان ائديرسن
عاشيق ابدا عشقينه بيگانه اولانماز
عاشيقسن ايه ر موتلو غمي غوصه ني ترك ائت
كؤنلون يئري گر سئوگي دي ، غمخانه اولانماز
09/02/1392