ياغيش ..
ياغيش یاغار اؤلكه ميزه چؤللري الوان ائيلي ير
گؤي –چمني ، باغ - مئشه ني ، داغلاري خندان ائيلي ير
ايلديريمين گورولتوسو اويانديرار هر نفسي
اودلو شاخان بولوت لاري گؤیول لري شاد ائيلي ير
ياغيش ياغاندا هر زامان اويانديرير داغي باغي
بولاق لاري جوش لانديرار چاي لاري قاينار ائيلي ير
اكينچي لر –بيچين چي لر شادليق ائديب فرح له نير
تانري يا شوكر ائتمك اوچون قوربان كسيب پاي ائيلي ير
غم له دولان كؤنول لرين اللري بوش قالان لارين
باغري يارالي دهقانين گؤيلونو دلشاد ائيلي ير
سوسوز قالان اورمو گؤلو ، قان آغلايير حزين حزين
ياغان ياغيش دامجي لاري دردينه درمان ائيلي ير
ياغيش ياغار گول اوينويار بوداق دا بولبول اوينويار
طراوت ايله دولدورار يئر- گؤيو مرطوب ائيلي ير
ياغ گينان اي ياغيش سنه واردي نيازيميز حه له
سوسوز قالان گؤل –دنيزي سو ايله سيراب ائيلي ير
پاييزدا –يازدا ياغماسا نه ياي اولار نه قيش اولار
ياغيش - نميش ليك اولماسا جنّتي دوزخ ائيلي ير
2/3/1393