سوسوزام جان وئریرم بیر منه یاردیمجیل اولون
عطشیم دن یانیرام جیسمیمه یاردیمجیل اولون
چوخلو ایلدیر قورو ایللیق وئریر آزار و عذاب
قازیلان سو قویولار ائتدي منی خانه خراب
چای لارین ارخلرین آلدی آدام لار اؤنونو
محو و نابود ائله دی وئردی عؤمرون سونونو
هاراییم گؤیلره قالخدی ائشیدن اولمادی هئچ
اوره ییم قان ایله دولدو کؤمه ییم اولمادی هئچ
دورنالار قاشقا تویوق لار منی ترک ائتدی یامان
سورگون اولدو ماراليم داغ قوچو هم کهلیک آمان
منی یالنیز بوراخیب گئتدی الیمدن نئچه چای
شارهاشار شهرچایی بیرده گادار هم قوشاچای
اؤلومون کؤلگه سی دوشدو کفنیم اولدو دوزوم
سیز دئیین بیر بئله دهشتلی زایا من نه دؤزوم؟
یاشاما حسرت ایله باخدی داریخدی بو گؤزوم
یورقون اولدوم داخی یوخدو بئله بیر ظولمه دؤزوم
گوجلو سؤزلر، یازی لار، قوشقو یاییلدی نه قدر
دانیشیقلار ، قونوشوقلار آپاریلدی نه قدر
دوسلاريم من اؤلورم اولماسا درديم چاراسي
قارغيم آنجاق توتاجاق باعيث اولانين ياخاسي