اوزمه رم يار سندن ال دونيادا واريمسان منيم
كؤنلومو بيمار ائدن جيسميمده قانيم سان منيم
نورعشقين له ايشيق سالدين قارانليق قلبيمه
بيرگونش تك پارلايان دار و نداريم سان منيم
ذره جه آتمام ياديمدان سن كيمي تک گوهري
كؤنلومون دان اولدوزو ماه هلاليم سان منيم
شمع رويينده دولاننام سيزلارام پروانه تك
دونيادا بير تك اولان يار و پناهيم سان منيم
واردي چوخ درد وغمين هئچ واخت منه بیلدیرمي سن
دردين آللام جانيما آب حياتيم سان منيم
قویمارام غم كؤلگه سي بير آن سنه مستور اولا
بير دنيز تك جوشلانان كؤنلومده جانیم سان منيم
ایسته مم هيجران اوزاق سالسین سني مندن گولوم
بیل اونودمام من سني يار و نيگاريم سان منيم
دوزدو يوخدور تاقتيم سندن اوزاق قالماقليغا
اؤزله رم ايللر بويو راز و نیازیم سان منيم
تورپاغين آلتيندا یاتسامدا یئنه قلبیمده سن
گؤزیاشیملا بسله نن روح و روانيم سان منیم