اورمو آذربايجان سسي تشكيلاتي ۴- نجو ايسلامي سئچگيليك آداي لاريني اورمو خالقينا تانيتديردي. باخماياراق كي بو ۱۵ نفر ليك سياهه ده بعضي آدايلارين آديني گتيرمك بو تشكيلاتي بير سيرا تنقيدلر و گيلئي گوذارلارلا قارشي ائديبدير و بو تشكيلاتين باشچي لاري بونودا قبول ائديرلر آمما نه ايسه اورمو شوراسي نين گئچميش دورومونا گؤره گرك مز بو تنقيدلري بهانه ائديب كوسوب يا سوسوب و اوزاقدا دوروب و سئچگيليكده ايشتيراك ائتمي يك . ايندي ايسه اورمو شهري گرگين بير دوروملا قارشيلاشيب و منجه الي ال اوزه رينه قويماقلا ايش قاباقا گئتمز. گرك كي قوللاريميزي چيرمالئياق و ان گوجلو بو سئچگيليك ده ايشتيراك ائتمك له اؤز بورجوموزو خالقيميزا اؤده ييب و ۱۵ تورك آدايين آدلاريني رأي واراغيندا يازماقلا اونلاري ۴- نجوايسلامي شورا پارلماني نا گؤندرك. امينم كي ايه ر هر بير آدايي ان يوكسك سس له شورا پارلئمانينا گؤندرسك اورمو شهري ان ياخين زاماندا هر بير ساحه ده اينكيشاف اولونوب و گئنيشله نه جكدير و بئله ليك له اورمو خالقي اؤز قانوني و اسكي ايستك لرينه چاتيب و يوكسله جكدير.
اورمو آذربايجان سسي طرفيندن دستك له نن ۱۵ آدايين آدلاري بو قراردان دير:
روح ا... حضرت پور - دوقتور عليزاده امام زاده - دوقتور هادي بهادري - سهراب فتوحي - دوقتور ميرعلي محمدي - حسين بخشايشي - دوقتور مرتضي پيري - دوقتور تقي فرهودي - سيد علي رضوي - سياوش سليماني پور - پرويز جليلي - سيدهادي ذاكر- رسول اصغر زاده - محمد ستارپور - مهران حاجيلو.
بو تشكيلاتين يايئملاديقي كاتالوقدا بو شعارلا وطنداشلاري بو سئچگي لي يه چاغرير:
آخين گلين - باخين گلين
هاراي منيم قارداشلاريم
ياشاسين آذربايجان
وعده میز خوردادین ۲۴- نجو گونو اورمو - سولدوز - قوشاچای - سالماس - تیکان تپه - سایین قالا - خوی - ماکی - قره عین و ... صاندیق باشلاریندا .